Këngëtarja dhe moderatorja Evi Reçi ka kujtuar personat e afërm që humbi nga tërmeti tragjik i 26 nëntorit 2019.
Evi publikoi në ‘Instastory’ një foto të familjes së xhaxhait, teksa shkruan: “Më keni munguar shumë, një vit pa ju”.
Pas ngjarjes së rëndë, Evi foli publikisht në rrjete sociale, ku u shpreh se ishte e detyruar të pranonte të papranueshmen.
“Të pranosh të papranueshmen. Më ndodhi dhe mua. I ndodh kujtdo. Sa e çudtishme! Në këto momente të vështira dhe të dhimbshme, të rikthehen në mendje kujtimet më të bukura… Ashtu m’u kujtua dhe Kristi im që kërcenim dhe këndonim bashkë, ashtu dhe Klausi që qante që s’e merrnim me vete se ishte i vogli e ne të “mëdhenjt”, ashtu dhe Axha Edi që humori verior në çdo fjalën e tij, ashtu dhe Dolora që dedikoi jetën për familjen e saj ‘’- shkruante ndër të tjera Evi.
